Microsoft компани програм хангамжийн мэдээлэл алдагдсан хэргийг илрүүлэхээр мөрдөж байх явцдаа нэгэн блогчын Hotmail цахим шуудан дахь захидлыг зөвшөөрөлгүй уншсан тухай BBC мэдээлжээ.

2012 онд тус компанийн олон нийтэд танилцуулаагүй байсан Windows 8 үйлдлийн системийн зургуудыг уг блогчин блогтоо оруулсан ба түүнд мэдээлэл дамжуулсан ажилтныхаа нэрийг олохын тулд ийнхүү цахим шууданд нь нэвтэрсэн гэдгээ хүлээн зөвшөөрчээ.

Энэхүү мэдээлэлтэй холбоотойгоор тус компанийн hotmail, outlook-ын хэрэглэгчид өөрсдийн хувийн захидал мэдээллийн нууцлалд санаа зовниж буйгаа илэрхийлж эхэлсэн байна.