Гуравдугаар сарын эхээр Куала Лумпураас Бээжинг чиглэн хөөрсөн онгоцыг хайх эрэл амжилтад хүрээгүй байтал Малайзын агаарын тээврийн 271 зорчигчтой “Airbus 330-300” онгоц өнөөдөр өглөө /III.24/ Хонгконгт ослын буулт хийжээ. Куала Лумпураас Сөүлийг чиглэн хөөрсөн Малайзын агаарын тээврийн “Airbus 330-300” онгоцны цахилгаан үүсгүүрт доголдол үүссэний улмаас яаралтай ослын буулт хийсэн байна. Малайзын агаарын тээврийн удирдлагын мэдээлснээр “Airbus 330-300” онгоц Хонгконгт ослын буулт хийсний дараа  “MH066” нислэгийн зорчигчдыг өөр онгоцонд шилжүүлэн суулгажээ.

Үүнээс өмнө энэ гуравдугаар сарын 8-нд Куала Лумпураас Бээжинг чиглэн хөөрсөн Малайзын агаарын тээврийн 370-р нислэг радарын дэлгэцнээс алга болж, холбоо тасраад одоог болтол олдоогүй байгаа юм.