Сагсан бөмбөгийн нэрт зүтгэлтэн, Сагсан бөмбөгийн Алдарын танхимын гишүүн, Сагсан бөмбөгийн спортын мастер Дашнямын Содномзундуй агсаны нэрэмжит 2014 оны Ахмадын УАШТ өнөөдөр Спортын төв ордонд эхэллээ. Энэхүү тэмцээн нь уламжлал болон долоо дахь удаагаа зохиогдож байгаа юм.

Тэмцээн жилээс жилд улам бүр хүрээгээ тэлсээр байна. Энэ удаагийн тэмцээнд эрэгтэй дөрвөн насны ангилалд 23 баг, эмэгтэй гурван насны ангилалд 10 баг, нийт 33 багийн 300 гаруй тамирчид хурд хүчээ сорьж байна. Үе үеийн шилдэг сагсан бөмбөгчидийн тулаан дахин нэг болдог энэхүү тэмцээнд оролцогч багуудаас дурьдахад "МонТорх", "Хөвсгөл Нэг үе", "Алтайн бүргэдүүд", "Найзууд", Дархан, SBL Хасын хүлэгүүд, "Хобби", Хан-Уул, "ХасуМегаватт", Завхан, "АУ" дээд сургууль, "3 тамир", "Бетон Арматур", "Академи", "Шавь", "Ай Анд", "ПДС-85", "Андууд", "Нарантуул", "Кекшү", "Төмөр зам", "Ус суваг" зэрэг багууд оролцож байна.

Д.Содномзундуй агсаны нэрэмжит 2014 оны Ахмадын УАШТ баасан гарагт буюу гуравдугаар сарын 28-ны өдөр өндөрлөж, аваргуудаа тодруулна.