Баруун Африкийн Гвиней улсад эбола вирусын халдвар тархаж, 50 хүний амийг авч оджээ. Биеийн шингэнээр халдварладаг эбола вирусын халвараар Гвинейд нийт 80 хүн өвчлөөд буйн ихэнхи нь Сьерра Леоне, Либери улсын хилийн ойролцоох өмнөд хэсгийн гурван мужийн оршин суугчид аж. Мөн Гвинейн нийслэл Конакрид эбола вирусын халдвараар гурван хүн өвчилсний хоёр нь амь үрэгдсэн талаар албаныхан мэдээлжээ. Халдвар гарсан бүс нутгуудад Гвинейн эрүүл мэндийн сайдын илгээсэн эмч нарын багаас гадна “Хил хязгааргүй эмч нар” хүмүүнлэгийн байгууллагын эмч нар ажиллаж байгаа аж.

Үүнээс өмнө өнгөрсөн 2012 онд эбола вирусын халдвар Конго, Угандад тархаж байсан аж. Уг вирусаар анх 1994 онд Зааны ясан эргийн улсын үндэсний паркт шимпанзегийн дундах эбола вирусыг судалж байсан эрдэмтэд халдварлаж байсан аж.