АНУ-ын Флорида мужийн Миамид (Tennis Center at Crandon Park) болж буй Sony Open Tennis тэмцээний 1/8-д өрсөлдөх теннисчид эхнээсээ тодорч байна. Нийт 9,4 сая ам.долларын шагналын сантай Sony Open Tennis тэмцээн ирэх ням гаригт /03.30/ өндөрлөнө.

WTA болон ATP Miami Masters-т дэлхийн шилдэг теннисчид бүгд оролцож буй.

ATP Masters оны турш болдог есөн цувралын хоёр дахь нь болох Мiami Masters-ийн дөрөвдүгээр тойрогт тэмцээнд хоёрт эрэмбэтэй Сербийн Новак Жокович, Швейцарийн Рожер Федерер(5), Их Британий Энди Маррей(6) нарын шилдгүүд шалгараад байна. Тус тэмцээний өнгөрсөн жилийн аварга, зургаад эрэмбэтэй Их Британы Энди Маррей Францын Жо-Уильфред Цонгатай, дөрөвт эрэмбэлэгдсэн Испаний Дэвид Феррер, Японы Кей Нишикори нар 1/8-д оноолт таарчээ.

Эмэгтэйчүүдийн хувьд тус тэмцээнд зургаан удаа түрүүлээд буй дэлхийн тэргүүн теннисчин АНУ-ын Серена Уильямс, тэмцээнд хоёрт эрэмбэлэгдсэн БНХАУ-ын Ли На, Польшийн Агнешка Радваньска(3) болон ОХУ-ын Мария Шарапова(4) нарын шилдгүүд шөвгийн 16-д шалгараад байна. Тэмцээний гурван удаагийн /1998, 99, 01/ аварга, 29-д эрэмбэлэгдэн тоглож буй АНУ-ын Винус Уильямс 1/8-д Словакийн Доминики Цибулковатай оноолт таарчээ.

Өнөө шөнө эрэгтэйчүүдийн гуравдугаар тойргийн үлдсэн тоглолтууд болох бол эмэгтэйчүүдийн 1/8-ийн тоглолтууд эхэлнэ.