Хятадын баруун өмнөд хэсгийн Юнань мужийн Цюбэй хотод өнөөдөр /III.21/  “Jiajia” нэртэй цэцэрлэгийн 30 гаруй хүүхэд хүчтэй хулганы хоронд хордсон хэрэг гарсан байна. Үүний улмаас хоёр хүүхэд нас барж, зургаан хүүхэд гүн хордлогод орж эмнэлэгт хүргэгджээ. Одоогоор энэ хэргийг хотын цагдаагийн газраас мөрдөн шалгаж байгаа аж. 

Хятадын албаныхны мэдээлснээр “Jiajia” цэцэрлэг болон өөр дунд сургуулиудад хүргэдэг хоолноос ямар нэгэн хор илрээгүй гэнэ. Түүнчлэн хүүхдүүдийн хордсон хулганы хор нь хүний эрүүл мэндэд харш учраас Хятадад жилийн өмнөөс хэрэглэхээ больсон төрлийнх байжээ. Тиймээс энэ хэрэг хэн нэгний санаатай үйлдэл байхыг албаныхан үгүйсгэхгүй байна.

Хятадын дунд сургууль, цэцэрлэгүүд сэтгэл мэдрэлийн өвчтэй хүмүүсийн элдэв халдлага, дайралтын бай болох нь элбэг байдаг нь эрх баригчдын санааг ихээр зовоодог хэмээн “CCTV” телевиз мэдээлжээ.