Хар тамхи, мансууруулах бодисны хэргээр шүүх танхимд дуудагдаад буй ТӨХ-ны дарга асан Д.Сугарын хүү С.Цогт хайр дурлалдаа мансуурч яваа бололтой. С.Цогт тэргүүтэй 12 хүнд холбогдох хэргийг шүүх хурал өнөөдөр болох үеэр түүний хайрын эзэн охин нь найзуудынхаа хамт шүүх танхимд орж ирсэн юм. Шүүгдэгчдийн ар гэрийнхний төлөөлөл гэж өөрийгөө танилцуулсан тэр охин дуучин Ану буюу Ч.Уранхолбоогийн төрсөн дүү Ч.Номинхолбоо гэнэ.

Шүүх бүрэлдэхүүн шүүх хурлын товыг ирэх дөрөвдүгээр сарын 1-нийг хүртэл хойшлуулах шийдвэр гаргасан тул Ч.Номинхолбоо “Хайр аа, явъя” гэсээр С.Цогтыг хөтлөн, шүүх танхимыг орхин гарсан юм.