Монголын Геологийн холбооноос мэргэжлийн холбоодууд, төрийн байгууллагуудтай хамтран зохион байгуулж буй “Монголын Геологи хайгуул 2014” чуулга уулзалт өнөөдөр /III.20/ Оросын шинжлэх ухаан, соёлын төвд болж байна.

Энэ үеэр тэд шилгүүдээ тодруулав. Хайгуулын шилдэг багаар “Чулуут Цагаан Дэл" хайлуур жоншны ордын нөөц, баялгийг тогтоосон "Монгол-Чехословакметалл", “Интергео” нэгдэл, Чойрын экспедиц, зураглалын шилдэг багаар Гурвансайханы талбайд 1:200 000 масштабын геологийн бүлэгчилсэн ажлыг гүйцэтгэсэн Мөрөнгийн геологийн экспедицийн 11-р анги тодорсон байна. Шилдэг бүтээлээр Монголын геологи ба ашигт малтмал 8 боть ном тус тус шалгарчээ.

Чуулга уулзалтын хаалтын ажиллагаа маргааш болох ба монголын геологийн салбарт тулгамдаж буй асуудлуудыг хэлэлцэж, шилдэг илтгэл, фото зургын уралдааны үр дүнг тодруулах гэнэ.