Монгол Улс энэ хавар  315 мянган га талбайд үр тариа, 304 мянган га-д буудай, 15.4 мянган га-д төмс,8.3 мянга га-д үр тариа тариалахаар болжээ. УИХ-аас хаврын тариалалттай холбоотойгоор 20 мянга тонн хүртэлх үрийн буудайг гаалийн болон НӨАТ-аас чөлөөлсөн байна. Үүний дагуу Алтай хязгаар, Буриадаас үр импортолж байгаа аж.  Үр импортлох аж ахуйн нэгжүүдэд квот тогтоож өгч байгаа бөгөөд Тариалан эрхлэлтийг дэмжих сан энэ хавар 8.8 мянган тонн үрийг гаднаас авчирч тариаланчдад нийлүүлэхээр болсон байна. Урьдчилсан байдлаар салбарын яам дөрөвдүгээр сарын сүүлчээр тариалалтын ажлыг  эхлүүлж тавдугаар сарын 10 гэхэд дуусгахаар төлөвлөөд байгаа аж.