Нийслэлийн Засаг дарга бөгөөд Улаанбаатар хотын захирагч Э.Бат-Үүл, Сангийн дэд сайд С.Пүрэв нар өнөөдөр МИАТ ХК-д ажиллах ажээ. Өнөөдөр 10.30 цагаас эхлэх уулзалтад МИАТ ХК-ийн ажилтан, ажиллагсад оролцон  хотын дарга болон дэд сайд нарт тус компани өнөөгийн байдлын талаар танилцуулж, тулгамдсан асуудлаа зөвлөлдөх гэнэ.

МИАТ ХК нь өнөөдрийн байдлаар Боинг 737-800 агаарын хоёр хөлөг, Боинг 767-300 агаарын хоёр хөлөг  нийтдээ дөрвөн агаарын хөлгөөр Улаанбаатараас Бээжин, Хонгконг, Сөүл, Токио, Москва, Берлин хотуудад тогтмол нислэг, Сингапур, Хайнан, Чежу, Япон улсын Нагоя, Ояаката, Фүкүока зэрэг олон хотуудад захиалгат нислэгүүдийг хийж байна. Мөн Бээжингийн чиглэлд долоо хоногт 10 удаа, аялал жуулчлалын оргил ачааллын зуны улиралд Сөүл, Токио чиглэлийн нислэгийн тоогоо нэмэгдүүлэдэг ажээ.