Монгол цэргийн музей өчигдөр “Цэргийн эмнэлэг”-ийн танхимтай боллоо. Эртний түүхийн болон шинэ түүхийн гэх үндсэн хоёр тахимтай байсан тус музей тахимынхаа тоог ийнхүү нэгээр нэмжээ.  Монгол цэргийн дайны үеийн баатарлаг түүхийг цэргийн эмнэлэггүйгээр төсөөлөхөд бэрх.

Тийм ч учраас Батлан хамгаалах, хууль сахиулах нэгдсэн эмнэлгийн дарга, хурандаа Р.Зоригт тэргүүтэй хамт олон цэргийн түүх, уламжлалыг сурталчилан таниулах үүднээс тус музейн шинэ түүхийн танхимд “Цэргийн эмнэлэг”-ийн танхимыг шинээр байгуулжээ.

Уг танхимыг өчигдөр Монгол цэргийн музейд хүлээлгэн өгсөн байна.