Монгол Улсын иргэн бүрт Хүний хөгжил сангаас 120 мянган төгрөгийн хишиг хувь хүртээхээр төсөвлөсөн билээ. Энэ мөнгөний 70 мянгыг нь олгох ажил энэ оны хоёрдугаар сарын 1-ээс орон даяар эхэлсэн юм. Энэхүү ажлын явц зургадугаар сарын 15-ны байдлаар улсын хэмжээнд 91,7 хувьтай байгаа тухай Нийгмийн хамгаалал хөдөлмөрийн яам вэб сайтдаа мэдээлсэн байна. Харин энэхүү хишиг хувийн үргэлжлэл болох 50 мянган төгрөгийг ирэх долдугаар сарын 1-ээс эхлэх ба иргэний шинэчилсэн бүртгэлд хамрагдсан хүн авах боломжтой. Тиймээс иргэний бичиг баримтын зөрчилтэй иргэд одооноос зөрчлөө арилгаж, цэгцлэхийг сануулж байна.

Б.СҮРЭН