“Байерн Мюнхен” баг Германы хөлбөмбөгийн дээд лиг “Бундеслиг” 50 тоглолт дараалан хожигдолгүй тоглож, нэгэн дээд амжилт тогтоолоо. Өнгөрсөн жил оролцсон бүх тэмцээндээ түрүүлсэн “Байерн Мюнхен” 50 тоглолт дараалан хожигдоогүйгээр “Европийн хамгийн олон тоглолт хожигдоогүй баг” гэсэн дээд амжилтыг тогтоолоо.  Өмнө нь, Английн “Арсенал” баг 2003-2004 оны улиралд 49 тоглолт дараалан хожигдолгүй тоглож, дээд амжилтыг эзэмшиж байсан юм.

“Байерн Мюнхен” баг Германы “Бундеслиг”-ийг 25 тойргийн тоглолтын дараах байдлаар 71 оноотой ганцаар тэргүүлж байна. Тэд энэ улиралд 25 тоглохдоо 23 хожиж, хоёр удаа тэнцсэн юм. Харин 48 оноотой “Боруссия Дортмунд”, 47 оноотой “Шальке04” баг “Бундеслиг”-ийг 71 оноогоор тэргүүлж буй “Байерн Мюнхен” багийг нэхэж байна.

Германы “Бундеслиг” 34 тойргийн тоглолтоос бүрдэнэ. “Байерн Мюнхен” одоо таван оноо авахад “Бундеслиг”-ийн аварга болно.