НҮБ-аас жил бүрийн гуравдугаар сарын 22-ны өдрийг Дэлхийн усны өдөр болгон тэмдэглэдэг билээ. Энэ хүрээнд гуравдугаар сарын 22-нд Ерөнхий боловсролын сургуулийн бүх ангийн сурагчдад нэг цагийн хичээл заахаар болсон байна.

1993 оноос “Усны өдөр”-ийг тэмдэглэж байгаа бөгөөд НҮБ-аас цэвэр усны гачигдалд байгаа олон улсын орныг усны гачигдлаас гаргах, цэвэр усны нөөцийг нэмэгдүүлэх, арвилан хэмнэх талаар улс орнуудад уриалсныг Монгол Улсын Засгийн газар хүлээн авч, 2005 оноос хойш  манай улс дэмтэглэдэг уламжлалтай болсон билээ. Устай холбоотойгоор манай улсад тулгарч байгаа асуудлуудыг тодорхойлох, тэдгээрийг шийдвэрлэхэд шаардлагатай бодлого, стратеги, хууль эрх зүйн орчин, бүтэц зохион байгуулалтын тогтолцоог оновчтой шийдвэрлэх нь салбарын гол зорилтын нэг юм байна.