Дуурь бүжгийн эрдмийн театрын уран бүтээлчид АНУ-ын Санфранциско хотноо болсон “Pan Asian festival”-д оролцон аялан тоглолтоосоо ирээд удаагүй байгаа билээ. Тэгвэл тэдний явсан мөр арилаагүй байтал тус театрын дуучин Г.Доржхорлоо, Э.Бумхүү, Ж.Бямбажав, Б.Гомбо-Очир нар БНСУ-ын Тожонь хотын дуурийн театрт нэг сар дадлага хийхээр БНСУ-ыг ирэх дөрөвдүгээр сард зорих нь ээ. 

Мөн сонгодог урлаг сонирхогчиддоо дуулгахад, Дуурийн театрын хамт олон Португалийн балет мастер Хюго Верагийн дэглэсэн “Диваажин энд байна” модерн балетийг гуравдугаар сарын 23-нд дахин толилуулах ажээ.