Египетийн арми “Мусульман ахан дүүс” бүлгийнхнийг цэргийн автобусанд халдсан гэж буруутгалаа. Автобусанд халдах үеэр нэг офицер амиа алдаж, гурван хүн шархадсан байлаа.

“Ахан дүүс” байгууллагын багтай зэвсэглэсэн хүмүүс цэргийн автобусанд довтолсон нь Юсри Махмуд Махаммед Хасан гэдэг офицерийг амиа алдахад хүргэлээ” гэж армийн хэвлэлийн албанаас мэдээлэв.

Үүний өмнө Каирын шүүх тус орны нутаг дэвсгэрт палестины ХАМАС байгууллагын үйл ажиллагаа явуулахыг хориглосон бөгөөд ХАМАС нь “Мусульман ахан дүүс” хөдөлгөөнтэй холбоотой юм.