Хэлэлцүүлгийг хойшлууллаа | News.MN

Хэлэлцүүлгийг хойшлууллаа

Хуучирсан мэдээ: 2010.06.22-нд нийтлэгдсэн

Хэлэлцүүлгийг хойшлууллаа

УИХ-ын Төрийн байгуулалтын байнгын хорооны хуралдаанаар УИХ-ын тухай, УИХ-ын хуралдааны дэгийн тухай, УИХ-ын сонгуулийн тухай зэрэг УИХ-ын талаарх багц хуулиудад нэмэлт, өөрчлөлт оруулах, шинэчлэн найруулах тухай хуулиудын төслийг хэлэлцэхээр болсон юм. Гэвч ажлын хэсэг дээр дахин хэлэлцэх шаардлагатай байгаа тул хойшлуулж өгөхийг УИХ дахь Ардчилсан намын бүлгийн ахлагч Ч.Сайханбилэг хүслээ.

УИХ-ын сонгуулийн тухай хуулийн төслийн хэлэлцүүлэг саатсаны шалтгаан нь сонгуулийг ямар тогтолцоогоор явуулах тухай асуудлыг тогтож чадаагүйд байгаа аж. Иймд ажлын хэсэг дахин хуралдсаны дараа дээрх хуулиудын төслийг хэлэлцэхээр боллоо. Мөн Төсвийн тогтвортой байдлын тухай хуулийг дагалдуулан оруулж ирсэн УИХ-ын сонгуулийн тухай, Монгол Улсын Ерөнхийлөгчийн сонгуулийн тухай хуулиудад нэмэлт, өөрчлөлт оруулах тухай асуудлыг ч дахин нягталж, Сонгуулийн тухай хуулийн төслийн хэлэлцүүлэгтэй хамтатган хэлэлцүүлэхээр болж хойшлуулав.

Д.ОЮУН

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж