Олон улсын бөхийн төрлүүдийн нэгдсэн холбооны /ФИЛА/ гуравдугаар сарын 11-нд гаргасан шинэчилсэн чансаагаар Гавьяат тамирчин Г.Мандахнаран 65 кг-ын жинд гуравдугаарт бичигджээ. Эрэгтэй чөлөөтийн тамирчдын энэхүү шинэчилсэн чансаанд эхний 20 байрт Монгол Улсын дөрвөн тамирчин багтсан байна. Эрэгтэйчүүдийн хамгийн хөнгөн жин болох 57 кг-д ОУХМ Б.Номин долдугаар байр, Д.Цогтбаатар 14 дүгээр байрт эрэмбэлэгдсэн байна. Мөн 61 кг-ын жинд Э.Ням-Очир тавдугаар байрт бичигдлээ. 

Манай эрэгтэй чөлөөт бөхийн шигшээ багийн тамирчид гуравдугаар сарын 15-16-нд болох Дэлхийн цомын тэмцээнд оролцохоор АНУ-д очоод байна. Эрэгтэй чөлөөтийн тамирчид 12 жилийн дараа дахин Дэлхийн цомд өрсөлдөхөөр болсон билээ.