АНУ-ын Индиан Уэллсын  Indian Wells Tennis Garden-д болж буй BNP Parisbas Open тэмцээний эмэгтэйчүүдийн хагас шигшээд хоёр эрэмбэтэй тоглож буй Польшийн Агнешка Радваньска, зургаад эрэмбэлэгдсэн Румыны Симона Халеп нарын теннисчид шалгарч, шигшээд өрсөлдөх эрхийн төлөө шалгараад байна.

5,9 сая ам.долларын шагналын сантай BNP Parisbas Open тэмцээнд дэлхийн манлай теннисчин АНУ-ын Серена Уильямсаас бусад бүх шилдгүүд оролцсон. Тэмцээнийг тэргүүлэн тоглож буй БНХАУ-ын Ли На Словакийн Доминика Цибулкова(12), Италийн Флавиа Феннетта(20) АНУ-ын Слоан Стипенс нар шөвгийн наймд учраа таарсан. Тэдний тоглолт өнөө шөнө болж, хагас шигшээд өрсөлдөх теннисчид бүрэн тодрох юм.

Харин эрэгтэйчүүдийн шөвгийн найм бүрэн тодорчээ. 5,2 сая ам.долларын шагналын сантай BNP Parisbas Open тэмцээний эрэгтэйчүүдийн шөвгийн наймд хоёрт эрэмбэлэгдсэн Сербийн Новак Жокович, Швейцарийн Рожер Федерер нарын тэргүүтэй теннисчид шалгарчээ. Тэмцээнийг тэргүүлэн тоглосон Испанийн Рафаэль Надаль гуравдугаар тойргоос, дөрөвт эрэмбэлэгдсэн Их Британы Энди Маррей дөрөвдүгээр тойргоос тэмцээнийг орхисон. Харин хосын төрөлд тоглож буй Швейцарийн Рожер Федерер, Станислас Вавринка нарын хослол хагас шигшээд шалгараад байна.

BNP Parisbas Open тэмцээн ням гаригт өндөрлөнө.