Улсын Дээд шүүхийн нийт шүүгчдийн хуралдаан өнөөдөр болж  Иргэний хуулийн “Хэлцэл” дэд хэсгийн үндэслэл, хүчин төгөлдөр бус хэлцэл, хэлцэл дэх төлөөллийг зохицуулсан 5,6,7 дугаар бүлгүүдийн зарим зүйл, заалтыг тайлбарлах тухай Дээд шүүхийн тогтоолын төслийг хэлэлцэн баталлаа.

Мөн Иргэний хуулийн “Эдийн ба эдийн бус баялгийн эрх” дэд хэсгийн хөршийн эрх, эрхээ хэрэгжүүлэх зорилгоор бусдын өмчлөх эрхийг хязгаарлах харилцааг зохицуулсан 12 дугаар бүлгийн 4 дүгээр дэд бүлгүүдийн зарим зүйл заалтыг тайлбарласан байна.

2002 оноос хойш мөрдөгдөж эхэлсэн манай суурь хуулиудын нэг болох Иргэний хуулийн зарим зүйл, заалтуудыг өмнө нь Дээд шүүх тайлбарлаж байсан билээ.
Түүнчлэн хуралдаанаар “Улс төрийн намыг бүртгэх хуралдааны дэг”-ийг хэлэлцэн баталсан байна. 

Л.Төгс