Монголын мэргэжлийн анчдын холбооны тэргүүн Д.Хурцаа өнөөдөр ангийн бууны талаар мэдээлэл хийлээ. Хэвлэлийн бага хурлын үеэр тэрбээр "Ангийн бууны стандарт гэж байдаг, ангийн буу байлдааны буунаас ангид байх ёстой. Сүүлийн үед галт зэвсэгтэй холбоотой асуудал нэлээд гарах болсон. Жишээ нь, гадны иргэд монгол иргэдийн нэрээр буу авах тохиолдол их байна. Үүний сөрөг үр дагавар нь ашиг сонирхлын үүднээс ан хийж, ан амьтны тоо толгойг  цөөрүүлэх явдал. Мөн буу авсан хүмүүс хоорондоо худалдахгүй байх нь зүйтэй" гэсэн юм.

Тэрбээр ашиг сонирлын үүднээс ан агнахгүй байхыг уриалж, ангийн зориулалтаар буу худалдаж авсан бол дамлан худалдаалахгүй байхыг сануулсан юм.