АНУ-ын Индиан Уэллст болж буй "BNP Paribas Open"-г тэргүүлэн тоглож буй Испанийн Рафаэль Надаль тэмцээнийг гуравдугаар тойргоос орхилоо.

Тэмцээнийг тэргүүлэн тоглосон дэлхийн манлай теннисчин Рафаэль Надалийн хувьд гуравдугаар тойрогт Украины Александр Долгополовт 3:6, 6:3, 6:7-ийн харьцаагаар ялагдлаа. Энэхүү тоглолт хоёр цаг 20 минут үргэлжилжээ.

Өдгөө 25 настай Украин теннисчний хувьд АTP сүүлийн чансаагаар 31-д бичигдэж байна. Дэлхийн манлай теннисчнийг буулган авсан Долгополовийн хувьд дараагийн тойрогт 13-т эрэмбэтэй тоглож буй Италийн Фабио Фонинтэй оноолт таарчээ.

5,2 сая ам.долларын шагналын сантай ATP World Tour Masters 1000 ангилалын "BNP Paribas Open" тэмцээний эрэгтэйчүүдийн томоохон дуулианыг Украиний Долгополов тарилаа. Энэ оны анхны “Их дуулга” болох “Австралийн нээлттэй тэмцээн”-нд түрүүлсэн Швейцарийн Станислас Вавринка, долоод эрэмбэтэй тоглож буй Рофер Федерер нар дөрөвдүгээр тойрогт шалгараад байна. Швейцарь теннисчдийн хувьд хосын төрөлд тоглож байгаа бөгөөд шөвгийн наймд шалгараад байна. Өнөө шөнө ганцаарчилсан төрлийн гуравдугаар тойргийн тоглолтууд болж, шөвгийн 16 бүрэн тодрох юм.