Ухаалаг утасны гадаргуу нь хүртэл ухаалаг болох гэнэ. Технологийн салбарт нууц задлагч @evleaks жиргээч энэ удаад шинэ загварын HTC One ухаалаг гар утас нь мэдээлэл харуулдаг LED гадаргуутай байна хэмээн зургийг нь нийтэлжээ.

Энэхүү мэдээллээр бол уг утсыг хэрэглэгч нь заавал утасныхаа дэлгэцийг харалгүйгээр утасныхаа гадаргуу дээрээс цаг агаар, текстэн мэссэж, богино хэмжээний мэдээлэл зэргийг харах боломжтой болох аж.

Уг ухаалаг гар утсыг энэ сарын 25-нд албан ёсоор танилцуулах юм байна.