Өнгөрч буй долоо хоногийн дэлхийн нийтийн онцлох үйл явдлын нэг бол АНУ-ын кино урлагийн шилдгүүдийг тодруулах 86 дахь удаагийн Академийн дээд шагнал гардуулах ёслол байсан. Энэ жилийн наадам Холливуд дэх “Dolby Theatre”-д болсон бөгөөд инээдмийн жүжигчин, нэвтрүүлэгч Эллен деЖенерес наадмыг хөтлөн явууллаа.

Кино урлагийн ертөнцөд 2013 онд бүтээгдсэн кинонуудаас 24 номинацид сод бүтээлийг тодруулах Оскарын шагнал гардуулах ёслолын ажиллагаа олон үйл явдлаар болж өнгөрсөн нь өдгөө ч дэлхийн нийтийн анхаарлын төвд байсаар байна. Мөн энэ удаагийн наадмыг “Монгол HD” телевиз албан ёсны эрхтэйгээр Монголын үзэгчдэд шууд дамжуулан хүргэлээ.

Кенийн жүжигчин Лупита Нионго “12 жилийн боолчлол” киноны дүрээр эмэгтэй туслах дүрийн шагналыг хүртсэн бол жүжигчин Леонардо Ди Каприо шагналгүй буцлаа. Твиттерын түүхэнд хамгийн их retweet хийгдэж favorites дарагдаж, хит
болсон жиргээг Эллен деЖенерес хийж чадсан.

“Big Mama’s & Papa’s” пиццаны газарт ажилладаг Эдгар Мартиросьян дуудлагын пицца авчрахдаа Оскарын тайзнаа гарна гэдгээ мэдээгүй гээд сонин содон үйл явдлаар дүүрэн өнгөрсөн “Оскар-2014”-ийн сонирхолтой фото агшинд саатаарай.

Твиттерын түүхэнд хамгийн их retweet хийгдэж favorites дарагдаж, хит
болсон жиргээгээр Барак Обамагийн жиргээ нэрлэгдэж байсан бол энэхүү амжилтыг Эллен деЖенерес эвдэж, твиттерын түүхэн дэх хамгийн алдартай жиргээгээр
шалгарсан.






“Big Mama’s & Papa’s” пиццаны газарт ажилладаг Эдгар Мартиросьян Оскарын тайзнаа ирнэ гэдгээ мэдээгүй байна. Тэрээр энэ үдэш өөрийн мөрөөдлийн эмэгтэй Жулия Робертст үйлчилсэн нь хамгийн том "тип" байсан гэдгээ Эллений ээлжит шоунд уригдан оролцохдоо хэлжээ.