“Мөсний хатан” Ким Юна найз залуутай болжээ. Өмнөд Солонгосын хэвлэлийнхний мэдээлж буйгаар уран гулгагч Ким Юна сүүлийн үед хоккейчин Ким Вон-Жунтай болзох болсон гэнэ. Тэдний хамт зугаалж буй зураг папарацчдын дуранд өртөж амжжээ.

“Anyang Halla” хоккейн багийн гишүүн Ким Вон-Жун олимпийн аварга Ким Юнагаас зургаан насаар ах гэнэ. Тэрээр цэргийн алба хааж байгаа бөгөөд армийн хоккейн багт тоглож байгаа ажээ. “Dispatch” сайтад мэдээлснээр хосууд 2012 оны долдугаар сард “Taeneung” төвд дасгал сургуулилтаа хийж байхдаа танилцсан аж.