Австралийн Засгийн газраас улстөрийн бослого, үймээн газар аваад буй Украины ард иргэдэд түр хугацааны оршин суух зөвшөөрөл олгохоор шийдвэрлэжээ. Гадаад хэргийн сайд Жули Бишопын мэдэгдсэнээр парламент өнөөдрийн /III.5/ хуралдаанаараа Украинд үүссэн аюултай нөхцөл байдал намжих хүртэл тус улсын иргэдийг визээ сунгуулж, Австралид түр оршин суухыг зөвшөөрсөн байна.

Австрали улс нь ОХУ-ыг Украины тусгаар тогтнолд заналхийлэл учруулж байна хэмээн эрс буруушааж байгаа юм. Харин ажиглагчдын зүгээс ОХУ-ын цэргүүд Крымийн бүс нутгийг хяналтдаа байлгаж буй нь дайн гарч болзошгүй нөхцөл байдал бүрдүүлж байна гэж үзэж байгаа аж.