АНУ-ын Лос Анжелес хотноо чөлөөт бөхийн эрэгтэйчүүдийн Дэлхийн цомын аварга шалгаруулах тэмцээн хэдхэн хоногийн дараа болно. Дэлхийн цомын тэмцээнд чөлөөт бөхийн шилдэг арван орны баг тамирчид оролцдог. 2014 оны чөлөөт бөхийн эрэгтэйчүүдийн Дэлхийн цомын аварга шалгаруулах тэмцээний багуудын хэсэгт хуваах сугалааны ёслол болсон байна. 2014 оны Дэлхийн цомын тэмцээнд Монголын баг тамирчид В хэсэгт сугалаа татлаа. Манай баг тамирчдын багтсан В хэсэгт олон улсын бөхийн төрлүүдийн нэгдсэн холбооны /FILA/ чөлөөт бөхийн чансаанд хоёрт бичигдэж буй ОХУ, гуравт эрэмбэтэй Гүрж, дөрөвт эрэмбэтэй Украйн, 14 дүгээрт эрэмбэтэй Японы багтай нэг хэсэгт багтжээ. Чөлөөт бөхийн Дэлхийн цомын тэмцээнд сул өрсөлдөгч гэж үгүй. Бүгд дэлхийн шилдгүүд оролцдог. Шилдгүүд дундаас  манай баг тамирчид тун хатуу сугалаа татсан.

Харин A хэсэгт 2013 оны Будапештийн ДАШТ-д багаараа тэргүүлсэн Иран, мөн АНУ (тавдугаарт эрэмбэлэгдсэн), Энэтхэг (зургадугаарт), Aрмен (есдүгээрт), Tурк (есдүгээрт) багтжээ.

Монголын чөлөөт тамирчид гуравдугаар сарын 16-ны шөнийн 02:00 цагаас /Улаанбаатарын цагаар/ чөлөөт бөхийн дэлхийн чансааны хоёрдугаар байрт бичигдэж буй ОХУ-тай өрсөлдөнө. Дараа нь шөнийн 03:30 цагаас Японы баг тамирчидтай өрсөлдөнө. 

Тэмцээний хөтөлбөрийг АНУ-ын Лос Анжелес хотын цагаар хүргэе. АНУ-ын Лос Анжелес хот Улаанбаатараас 15 цагийн зөрүүтэй байдаг.
Монголын тамирчид эхний барилдаанд

Гуравдугаар сарын 15.

Тэмцээний эхний хэсэг:

11:00  цагт:  – АНУ-Aрмен; Энэтхэг-Tурк
12:00 цагт:  – АНУ-Энэтхэг; Иран-Aрмен
13:00 цагт: – Гүрж- Япон, Монгол-ОХУ
14:00 цагт: – Япон-Монгол; Украин-ОХУ

17:00 цагт: – Нээлтийн ажиллагаа

Тэмцээний хоёрдугаар хэсэг

17:30 цагт: – Иран-Турк; Aрмен-Энэтхэг
18:30 цагт: – АНУ-Иран; Tурк-Aрмен
19:30 цагт: – Mонгол- Гүрж; Япон-Украин
20:30  цагт: – Гүрж-Украин; ОХУ-Япон

Гуравдугаар сарын 16.

Тэмцээний гуравдугаар хэсэг:

11:00 цагт: – Иран-Энэтхэг, АНУ-Tурк
12:00 цагт :  – ОХУ-Гүрж; Украин-Mонгол
13:30 цагт:  – Долдугаар байр, есдүгээр байрын төлөөх барилдаанууд
14:30 цагт: – Тавдугаар байр  

Тэмцээний дөрөвдүгээр хэсэг:

17:00 цагт: – Хүрэл медалийн төлөөх бөрилдаан

18:00 цагт: – Алтан медалийн төлөөх барилдаанууд, Шагнал гардуулах ёслол
Чөлөөт бөхийн эрэгтэйчүүдийн Дэлхийн цомын аварга шалгаруулах тэмцээнд Зөвлөл холбоот Улсын баг тамирчид 15, АНУ 13 удаа түрүүлсэн байдаг. Хуучин ЗХУ задарсны дараа ОХУ зургаа түрүүлсэн нь чөлөөт бөхийн спортын хөгжил өндөр түвшинд хөгжсөнийг батална. Харин Иран дөрөв, Азербайжен хоёр, Кубын баг тамирчид нэг удаа түрүүлсэн юм. Ираны баг тамирчи 2012, 2013 онд дараалан түрүүлээд байгаа юм. Энэ тэмцээнд түрүүлэх хамгийн өндөр магадлалтай орны нэг билээ.