100 буудалт даамын насанд хүрэгчдийн Улсын аварга шалгаруулах тэмцээн хоёр үе шаттайгаар явагдаж байна. 2014 оны улсын аварга шалгаруулах тэмцээний хагас шигшээ тоглолт энэ сарын 1-4-ний өдрүүдэд “Хос мастер” шатрын академийн байранд болж, шигшээд өрсөлдөх даамчид тодорлоо. Тэмцээнд 20 аймаг, дүүргийн эмэгтэй 30, эрэгтэй 90 нийт 120 тамирчин өрсөлдсөнөөс шигшээ тоглолтод эрэгтэй 11, эмэгтэй есөн тамирчин шалгарчээ. Тэмцээнд олон улсын цолтон 9, спортын мастер 28 оролцжээ. Шигшээ тоглолт ирэх тавдугаар сард болно.

Эрэгтэйчүүдийг спортын мастер Ц.Отгонбилэг тэргүүлж, ОУИМ Д.Эрдэнэбилэг, спортын мастер Ц.Хашчулуун, ДДХМ Р.Манлай нар удаалсан байна. Харин эмэгтэйчүүдийг спортын мастер Г.Амгалан, спортын мастер Б.Нандинцэцэг, спортын мастер Г.Энхтуяа нар тэргүүлжээ. Орон нутгаас оролцсон тамирчдаас Сүхбаатар аймгийн М.Түвшинжаргал, Хэнтий аймгийн У.Цэрэндолгор, Орхоны Б.Мөнхцэцэг нарын тамирчид шигшээ тэмцээнд оролцох эрх авсан байна.

УАШТ-ий шигшээд оролцох эрх авсан тамирчдыг танилцуулья.

Эрэгтэй:

1. Ц.Отгонбилэг спортын мастер (Баянгол)14 оноо
2. Д.Эрдэнэбилэг ОУИМ (Баянзүрх) 14 оноо
3. Ц.Хашчулуун Спортын мастер (Чингэлтэй) 14 оноо
4. Р.Манлай ДДХМ (Баянгол) 13 оноо
5. Б.Батжаргал Спортын мастер (Баянгол) 13 оноо
6. Б.Ганзориг Спортын мастер (Баянзүрх) 13 оноо
7. M.Түвшинжаргал Спортын мастер (Сүхбаатар аймаг) 13 оноо
8. Д.Ганболд Спортын мастер (Баянзүрх, "Энэрэл") 13 оноо
9. С.Даваадорж Спортын мастер (Багануур) 13 оноо
10. Ч.Дамдинсүрэн Спортын мастер (Баянзүрх) 13 оноо
11. O.Энхбат ДДХМ (Хан-Уул) 12 оноо

Эмэгтэй

1. Г.Амгалан Спортын мастер (Сонгинохайрхан) 13 оноо
2. Б.Нандинцэцэг Спортын мастер (Баянзүрх) 12 оноо
3. Г.Энхтуяа Спортын мастер (Баянзүрх) 12 оноо
4. Б.Түвшинзаяа Спортын мастер (Сүхбаатар) 11 оноо
5. Е.Ариунзаяа Спортын мастер (Сүхбаатар) 11 оноо
6. Ц.Энхцэцэг Спортын мастер (Баянзүрх) 11 оноо
7. У.Цэрэндолгор Дэд мастер (Хэнтий аймаг) 10 оноо
8. Б.Мөнхцэцэг I зэрэг (Орхон) 10 оноо
9. М.Одгэрэл Дэд мастер (Баянзүрх) 9 оноо

Даамын спортын мэдээллийг http://mondaam.mn сайтаас авна уу.