Эгнээндээ 100 гаруй орны 160 орчим намыг нэгтгэсэн СоцИнтерний салбар хурал Испанийн Мадрид хотноо өнгөрсөн өдрүүдэд болж, Монгол Улсыг төлөөлөн УИХ-ын гишүүн, СоцИнтерний дэд ерөнхийлөгч Сү.Батболд, МАН-ын Удирдах зөвлөлийн гишүүн Д.Цогтбаатар нар оролцжээ.

Салбар хуралдаанаар төлөөлөгчид Европын эдийн засгийн хямрал, тэр дундаа уг хямралд хамгийн их өртсөн Испанийн сургамж, амжилтын талаар ярилцсан байна. Түүнчлэн уг хурлаар Европын улс төрийн байдал, түүний сөрөг үр дагаврын талаар ч хөндөн дэлгэрэнгүй ярилцжээ.