МАН-ын
удирдлагууд УИХ-ын гишүүдтэйгээ хамтран ойрын өдрүүдэд орон нутагт бүсчилсэн байдлаар ажиллаж эхлээд байна. Тодруулбал, МАН-ын дарга
М.Энхболд УИХ-ын гишүүн О.Содбилэг, Д.Хаянхярваа, Ө.Энхтүвшин, Ж.Эрдэнэбат, намын
газрын дарга нарын хамт өчигдөр Сэлэнгэ, Дархан-Уул
аймгийн иргэдтэй уулзсан бол өнөөдөр Эрдэнэтэд ажиллаж байгаа
юм байна. Маргаашаас эхлэн
тус багийнхан Дундговь, Өмнөговь, Төв аймагт очиж ард иргэдтэй уулзах аж.

Харин МАН-ын ерөнхий нарийн бичгийн дарга Ж.Мөнхбатаар ахлуулсан дараагийн багийнхан  энэ сарын 10-наас эхлэн Архангай, Булган, Хөвсгөл, Өвөрхангай аймагт ажиллах болжээ. Үүнээс гадна УИХ дахь МАН-ын бүлгийн дарга С.Бямбацогтоор
ахлуулсан баг баруун аймгуудад энэ сарын 
дундуур, УИХ-ын гишүүн Б.Бат-Эрдэнээр ахлуулсан
баг зүүн аймгуудад энэ сарын 20-доор ажиллахаар товоо гаргасан
байна.

Г.ДАРЬ