“Миний хөрш чөтгөр”, “Бодлын хулгайч”, “Дэв”, “Ану хатан” киноны ерөнхий зураглаач Д.Ангарагийг Монголын кино урлагийн энэ цаг үеийг тодорхойлж байгаа авьяаслаг залуусын нэг гэдэг. Дэлхий нийтээрээ Америкийн кино акадмемийн шалгаруулалтаар амьсгалж буй энэ өдөр тэрээр “Оскар”-ыг амьдаар нь үзэж байна.

Зураглаач Д.Анагарагт Америкийн кино Зураглаачдын холбооноос 86 дахь удаагийн “Academy Awards”-ын шагнал гардуулан ёслол болон дагалдах бүх арга хэмжээнд оролцох урилга ирүүлсэн тул тэрээр Монголын кино урлагийг төлөөлж, энэхүү гайхамшигтай ёслолыг дэргэдээс нь сонирхож явна.