“SBL Хасын хүлэгүүд” клубээс хөгжөөн дэмжигчдэдээ зориулан нэг өдрийн нээлттэй бэлтгэл хийхээр болжээ.

“SBL Хасын хүлэгүүд” багийн дэмжигчдэд зориулсан нээлттэй бэлтгэл маргааш буюу гуравдугаар сарын 1-ний бям гаригийн 18.00 цагаас “ЭТҮГЭН” дээд сургуулийн спорт зааланд болох аж. Бэлтгэлийн үеэр өөрсдийн дэмждэг тоглогчдын хамт зургаа татуулж, тамирчдаас гарын үсэг авахуулах, багийн өмсгөл, дэмжигчдийн пудволк худалдан авах, тамирчидтай болон бусад хөгжөөн дэмжигчидтэй санал солилцох, багаа финалын тоглолтод хэрхэн дэмжих талаар ярилцах гээд сонирхолтой хөтөлбөрүүд багтжээ.

“Хасын хүлэгүүд”-ийн үнэнч хөгжөөн дэмжигчид та бүхнийг маргааш багийнхаа нээлттэй бэлтгэлд ирэхийг урьж байна.