УИХ-аар хэлэлцэж байгаа Малын индексжүүлсэн даатгалын тухай хуулийн төслийн ажлын хэсгийн гишүүд, Сангийн яам, МИД төслийн ажилтнууд энэ сарын 21-25-ны өдрүүдэд Испани Улсад ажиллаж хөдөө аж ахуйн даатгалын тогтолцоо, эрх зүйн орчинтой танилцсан байна. УИХ-ын гишүүн А.Бакейгээр ахлуулсан ажлын хэсэгт Д.Лүндээжанцан, Д.Зоригт, Ж.Батсуурь, Ц.Цолмон, Ж.Батзандан, Х.Болорчулуун нарын гишүүд багтаж, тус улсын хөдөө аж ахуйн даатгалын агентлаг, бэлтгэн нийлүүлэгчдийн худалдааны холбоод, давхар даатгалын компаниуд болон мал ахуй эрхлэгчдийн үйл ажиллагаатай танилцжээ. Испани нь хөдөө аж ахуйн үйлдвэрлэлээрээ Европт тэргүүлдэг улсуудын нэг бөгөөд хөдөө аж ахуйн даатгалыг амжилттай хэрэгжүүлж байгаа юм.

Төлөөлөгчид хөдөө аж ахуйн даатгалын тогтолцооны бүтэц, оролцогч байгууллагуудын үүрэг, даатгалыг нэвтрүүлэхэд гарсан 34 жилийн сургамжийн талаар судалж олон уулзалтуудыг хийсэн аж.