ОХУ-ын Сочи хотноо энэ сарын 6-23-ны өдрүүдэд өвлийн XXII олимпийн наадам болсон. Харин “Сочи-2014” XI цагаан паралимп ирэх сарын 7-23-ны хооронд болно.

Орос оронд “зочилсон” анхны цагаан олимп орчин цагийн олимпийн түүхэнд цоо шинэ хуудас нэмсэн. Хамгийн өндөр өртөгтэй, хамгийн дулаан, хамгийн өнөр өтгөн, хамгийн өргөн хүрээг хамарсан гээд элдэв тодотгол, чимэг ихтэй өвлийн XXII олимпийн цахим дэмжигчдийг шилдгийг тодруулжээ.

Баг тамирчдаа хамгийн их дэмжсэн улсаар зохион байгуулагч ОХУ тэргүүлсэн бол хоёр тамирчнаа илгээсэн ч монголчууд дэд байрт шалгарлаа. Узбекстан, Украин, Канад улсын дэмжигчид дараагийн байруудад шалгарсан байна. Франц, Латви улсын дэмжигчид топ аравт багтжээ.