“Box Office”-ын жагсаалтад ашиг орлогоороо тэргүүлж буй шилдэг 10 киног танилцуулж байна. “Уорнер брос” кино компанийн бүтээсэн “The Lego Movie” хүүхэлдэйн кино жагсаалтыг гурав дахь долоо хоногтоо тэргүүллээ.  Төрөлх хотоо хорон санаатнаас хамгаалахаар Бетмэн, барилгачин, өсвөр насны охин гурав хүчээ нэгтгэснээр үйл явдал үргэлжлэх энэхүү кино нийт 60 тэрбум долларын ашиг олоод байна. Киноны гол дүрүүдийн хоолойг жүжигчин Вилл Арнетт, Элизабет Банкс болон Морган Фримэн нар гарган, дуу оруулжээ.

Хоёрдугаар сарын 21-нээс жагсаалтанд хоёр шинэ кино нээлтээ хийснээр “The Lego Movie” киноны араас удаалаад байгаа нь Оскарын хоёр удаагийн шагналт Кевин Майкл Костнерийн гол дүрд нь тоглосон адал явдалт “3 Days To Kill” кино байв. 

Костнер олон улсын тагнуулчийн дүрд тоглох ба тэрээр ажлын шаардлагаар эхнэр охинтойноо холбоогүй, тусдаа амьдрах боловч түүний нэгэн чухал даалгавар гэр бүлтэй нь холбогдсоноор кино үргэлжлэх юм. Энэхүү Кино 12.2 сая ам.долларын ашигтай байгаа бол Бокс оффисын жагсаалтын гуравдугаарт Эртний Ром хотын нэрээр нэрлэгдсэн “Pompeii” нэртэй тэр үеийн баатруудын адал явдал болон хайр дурлалыг харуулсан бүтээл 10 сая ам.долларын ашигтайгаар удаалав. “Трайстар” кино компаны бүтээлийг Андерсон, Пол Уильям Скотт найруулсан ба тус найруулагч нь бидний мэдэх Мортал комбат, Супер марио, гудамжны зодоон зэрэг видео тоглоомуудыг найруулж байжээ. Ингээд жагсаалтыг хүргэе.