Total war цувралаараа стратегийн тоглоом сонирхогчдын дунд алдаршиж олон жилийг өнгөрөөсөн Их Британийн Критив Ассамблей буюу “Creative Assembly” корпораци бүх цаг үеийнхээ түүхэнд хамгийн том бүтээн байгуулалтдаа ороод байгаа гэнэ. Учрыг мэдэх хүний өгүүлснээр хамгийн сүүлд “Rome total war-2”-ыг худалдаанд гаргаад байгаа тус корпорацийн уран бүтээлчид дэлхийн I дайны үйл явцыг харуулсан тоглоомын хувилбар хийхээр сэтгэл шулуудан ажиллаж байгаа аж.

Дэлхийд хамгийн их борлуулалттай стратегийн тоглоомын жагсаалтыг цаг үргэлжид тэргүүлсээр ирсэн Total war-ын ээлжит цуврал дэлхийн I  дайны эрин үед очих юм.

Тэр цагт манай гаригийн геополиткийг шийдэж асан Прусс, Австри-Унгарын эзэнт гүрэн, Их Британи, Франц, Оросын хаант улс зэрэг гүрнүүдээр голчлон тоглох ба АНУ мөн нэмэгдэн орох аж. Тиймээс тус тоглоомыг хэзээ нэгэн цагт бидний гарт ирнэ хэмээн хүсэн хүлээж байсан тоглоомын сонирхогчдод энэ мэдээ тун ч баяртай болж буй.