Завхан аймгийн Прокурорын газраас “Тээврийн хэрэгсэл жолоодох эрх хасах ялаар шийтгэгдсэн ялтны ял эдлэлтийн байдал”-ыг сүүлийн гурван жилийн байдлаар шалгажээ. Шалгалтын явцад шийтгэх тогтоолын гүйцэтгэх хуудсыг хуулийн хугацаанд Шүүхийн шийдвэр гүйцэтгэх албанд хүргүүлээгүйгээс жолооч нар /ялтан/ автомашинаа зөвшөөрөлгүй жолоодож өөрөөр хэлбэл ял завших нь элбэг байгаа зөрчил илэрсэн байна.

Мөн тээврийн хэрэгсэл жолоодох эрх хасах ялаар шийтгүүлсэн жолооч нарын  хувийн хэргийн баяжилтыг зохих журмын дагуу хийгээгүй зөрчил  мөн илэрчээ. Шалгалтаар илэрсэн зөрчил дутагдлуудыг арилгуулах, таслан зогсоох, дахин давтан гаргуулахгүй байх зорилгоор Аймгийн шүүх болон Шийдвэр Гүйцэтгэх албанд албан бичиг, прокурорын шаардлага хүргүүлсэн талаар Улсын ерөнхий прокурорын газраас мэдээллээ.