Төрийн эрхийг хууль бусаар авахыг санаархсан гэх үндэслэлээр хоёр жил гаруй хугацаанд шалгагдаж байгаа Г.Бадамрагчаагийн хэргийг энэ сарын 28-нд Дүүргийн эрүүгийн хэргийн анхан шатны II шүүхэд хянан хэлэлцэх тов гарчээ. Кино найруулагч Г.Бадамрагчааг “Цагдаагийн тангараг” киногоороо дамжуулж төрийн эрхийг санаатайгаар булааж авахыг оролдсон, залуусыг тусгайлан бэлтгэсэн гэж Тагнуулын ерөнхий газраас сэжигтнээр тооцон шалгасан байдаг.

Энэхүү хэргийг шүүх хурал өмнө нь хэдэнтээ болж, шүүхээс нэмэлт байцаалтад буцааж байсан юм.