Бээжингийн өөрийн нутаг гэж үздэг  усан хилээс филиппин загасчдыг  Хятадын хилчид  хөөхийн тулд анх удаа усан бууг тэдний эсрэг хэрэглэсэн гэж Agence France-Presse мэдээлжээ.

Уул нь энэ хэрэг явдал нэгдүгээр сарын 27-нд Өмнөд Хятадын тэнгист Скарборо гэх шрэн цохионы ойролцоо гарчээ. Хэргийн талаар одоо л ил гарч байгаа бөгөөд Хятадын цэргийн хөлөг онгоцнууд одоо ч тэр хавьд байрлаж байгаа гэнэ. Хятадууд өөрийн гэсэн усан хилдээ загас агнахын тулд зөвшөөрөл авахыг загасчдаас шаардаж байна.

Өмнө нь тэр хавьд иймэрхүү мөргөлдөөн гарч байсан ч усан буу хэрэглэсэн тохиолдол байсангүй.  Скарборошүрэн арлын район нь Филиппины Лусон арлаас 220 км-ийн зайтай харин Хятадын хамгийн ойр гэгдэх Хайнань арлаас 650  км-т байдаг. Өмнөд Хятадын тэнгисийн  дэвсгэрийн 90 хувийг  Хятад хянахаар  газар нутгийн маргаан үүсгээд байгаа юм.