Цахим тоглоомын газар болон интернет үйлчилгээний газруудын үйл ажиллагаанд хяналт тавих ажил үргэлжлэн хийгдэж байна.

Өрсөлдөөний тухай хууль, тамхины хяналтын тухай хуулиудыг сурталчилах ажлын хүрээнд өдөрлөг, арга хэмжээ зохион байгууллахаар төлөвлөгөө гарган ажиллаж байна.

Аймгийн Засаг дарга, түүний дэргэдэх  газар, хэлтэс, агентлагаас нутгийн өөрөө удирдах ёсны байгууллага АИТХТ-ийн хурал, ИТХХуралдаанд  оруулах шийдвэрийн төсөлд виз өгөх журам бэлэн болсон. Өнөөдөр захирамж гарна.

Хууль зүйн дэд сайд манай аймагт ажиллаж аймгийн Цагдаагийн газар, Шүүхийн шийдвэр гүйцэтгэх албаны үйл ажиллагаатай танилцаж хууль сахиулах байгууллагуудын алба хаагч нартай уулзалт ярилцлага зохион байгууллаа.

Хүчирхийллээс хамгаалах байрны нэгдсэн стандартын дагуу хүчирхийллээс хамгаалах байрны тохижилт үйлчилгээнд анхааран ажиллаж байна. Хамгаалах байрны үйл ажиллагаанд дэмжлэг үзүүлэн хамтран ажиллаж буй ТББ-ийн удирдлагууд УБ хотод шинээр бий болсон хамгаалах байрны үйл ажиллагаатай танилцаж туршлага судлахаар энэ 7 хоногт  ажиллана. Мөн тэнэмэл иргэдийг байрлуулах ТББ-тай гэрээ байгуулах ажлыг энэ 7 хоногт анхааран ажиллана.

Иргэдээс ирсэн гомдлын дагуу зарим  дунд сургуулийн санхүү болон бусад үйл ажиллагаанд хяналт шалгалт хийгдэх ажил үргэлжилж байна. Санал дүгнэлтийг энэ 7 хоногт танилцуулна. Мөн нийтийн тээврийн зогсоолуудыг чөлөөлөх ажлын хэсэг, Хотын цэвэрлэх байгууламжийн өргөтгөлийн ажлын хэсэгт тус тус ажиллаж байна.

Аймгийн Засаг даргын 24  захирамжийн төслийг хянаж, баталгаажууллаа.

Худалдан авах ажиллагааны 4 гэрээг хянаж баталгаажуулав.

Шүүхийн шатанд байгаа иргэний 4, захиргааны 8 хэрэг байна.  Хэрэгт ач холбогдол бүхий нотлох баримт гаргаж өгөх, үзлэгт оролцох зэрэг шүүхийн дуудсан цагт тухай бүрт нь  хэлтсийн мэргэжилтнүүд оролцож байна. Мөн 2 хэрэгт хариу тайлбарыг гаргаж хүргүүллээ. Нийт шүүхийн шатанд байгаа хэргүүдийн мэдээллийг цаг тухай бүрт нь цахим хуудсанд тавьж байна. Анхааруулахад: Шүүх, прокуророос аймгийн Засаг дарга, Тамгын газрын даргад ирүүлсэн албан бичиг, шийдвэрийг тухайн өдөр нь манай хэлтэст шилжүүлэх шаардлагатай байна. Хоног хугацаа алдаснаас болж  дараагийн үр дагаврууд үүсч байгааг анхаарана уу.

Иргэдээс ирсэн 5  өргөдлийг судлан шийдвэрлэж хариуг өгч 2 өргөдлийг судлаж байна.  70353511 утсанд ирсэн 4 өргөдлийг судлаж байна.

Цагдаагийн газраас: 102 хүн эрүүлжүүлэгдэж, согтуугаар тээврийн хэрэгсэл жолоодох зөрчил 35 илэрч, архидан согтуурч биеэ авч явах чадваргүй болсон 80 иргэнийг ар гэр асран хамгаалагчид нь хүлээлгэн өгсөн байна.

Эрүүгийн 12  хэргийг нөхөн илрүүлэн шалгаж байна.

Улсын бүртгэлийн хэлтсээс: Иргэний гэр бүлийн байдлын 119 бүртгэл хийж, хууль хяналтын байгууллагад 89, иргэнд 272 нийт 361 лавлагаагаар үйлчилсэн байна. Эд хөрөнгийн бүртгэлийн чиглэлээр  402  иргэн  үйлчилгээ үзүүлж аймгийн нийт орон сууцны өрөөний тоо болон талбайн  хэмжээг гаргаж УБЕГ-рт хүргүүллээ.

Шүүхийн шийдвэр гүйцэтгэх албанаас: Тус албаны  Хорих 437 дугаар ангид 124 ялтан, үүнээс баривчлах ял эдлүүлэх байранд баривчлах ялтай 9 ялтантай байна.