2014 оны гандболын оюутны улсын аварга шалгаруулах тэмцээн өнөөдөр /II.21/ МУБИС-ийн Биеийн тамирын сургуулийн спорт зааланд эхэллээ. Зохион байгуулах гэж байна. Тэмцээн хоёр хоног буюу хоёрдугаар сарын 23-ны өдрийг хүртэл үргэлжилнэ. Энэ удаагийн УАШТ-д Монголын Оюутны спортын “Универсиад” III их наадмын гандболын төрөлд  алт, мөнгө, хүрэл, тусгай байруудыг эзэлсэн  МУБИС, Мон-Алтиус, ШУТИС, ҮБТДС-ийн эрэгтэй тамирчид  дөрвөн хэсгээ /зоо/, Мон-Алтиус, ҮБТДС, МУБИС-ийн эмэгтэй тамирчид гурван хэсгээ тус тус тэргүүлэн оролцохоор болжээ.

Гандболынспорт төдийлөн олон сургуульд жигд хөгжөөгүй байгаа учир хагас шигшээ, шигшээ тоглолтуудыг өрсөлдөөнтэй болгох үүднээс Монголын Гандболын Холбооноос ийм бодлого барьж байгаа нь тун сонирхол татаж байна. Тэмцээний ерөнхий шүүгчээр Д. Энэбиш ажиллаж байгаа ба эрэгтэйчүүд нэг үе 15 минут, эмэгтэйчүүд 12 минутаар тус тус тоглохоор болжээ. Дашрамд сонордуулахад дөрөвдүгээр сард гандболын олон улсын залуучуудын аварга шалгаруулах тэмцээнийг эх орондоо зохион байгуулах хүндтэй үүргийг аваад байгаа тус холбооноос залуучуудын багынхаа бэлтгэлийн тун шаргуу хийлгэж байгаа ба бэлтгэл хангагдсан залуучууд сургууль сургуулиа ахлан олон улсын тэмцээний сорилгоо хийхээр болжээ.