Үндэсний статистикийн хорооноос төрийн мэдээллийн нэгдсэн сан, сүлжээ байгуулах ажлын хүрээнд хүн ам, өрхийн бүртгэлд мониторинг хийж байна. Энэ хүрээнд хороод, нутаг дэвсгэртээ оршин суугаа хүн ам, өрхийг нэг бүрчлэн бүх үзүүлэлтээр бүртгэж, урьд нь хөтөлж байсан мэдээллийг нягтлах ажлыг энэ сардаа багтааж хийх ажээ. Ийнхүү хүн ам, өрхийн бүртгэлийн нэгдсэн сан үүсч, иргэн өөрийн тухай болон өрхийн талаарх тодорхойлолтоо олон шат дамжлага, цаг хугацаа зарцуулж авах шаардлагагүй болох юм байна. Түүнчлэн орон сууцны зээл авахад шаардлагатай зарим мэдээллийг энэ мэдээллийн сангаас шууд авах боломжтой.

Иймд нийслэлд амьдарч буй иргэд хорооныхоо хүн ам, өрхийн бүртгэлд заавал бүртгүүлэх шаардлагатайг албаныхан анхааруулж буй бөгөөд хувийн мэдээллийн нууцлалыг чанд хадгалах ажээ.