Талбайн теннисний эмэгтэйчүүдийн(WTA) ээлжит цуврал тэмцээн АНЭУ-ын Дубай хотноо үргэлжилж байна.

“Dubai Duty Free Tennis Championships” тэмцээний хоёрдугаар тойрогт оноолт таараад байсан АНУ-ын Винус Уильямс, Сербийн Ана Иванович нарын тоглолтод Винус ялалт байгуулж, шөвгийн наймд шалгараад байна. 56 минут үргэлжилсэн тоглолтод 6:2, 6:1-ийн харьцаагаар Винус өрсөлдөгчөө буулган авснаар дараагийн тойрогт шалгарлаа. Тэрээр тэмцээний хоёрт эрэмбэтэй тоглосон Польшийн Радваньскаг буулган авсан Италийн Флавия Пеннеттатай оноолт таараад байна. Өнөө шөнө шөвгийн наймын тоглолт болж, хагас шигшээд өрсөлдөх теннисчид тодрох юм.

14 дэх удаагийн “Dubai Duty Free Tennis Championships” тэмцээний нийт
шагналын сан хоёр сая ам.долларт багтаж байгаа бөгөөд ганцаарчилсан
болон хосын төрлийн аваргууд ирэх ням гаригт /02.22/ тодорно.