Хоёрдугаар сарын 23-нд буюу ирэх ням гаригийн 11:00 цагаас эхлэх “UFC 170” тэмцээнийг тулааны спорт сонирхогчид хоног тоолон хүлээж байгаа билээ. “Бээжин-2008” олимпийн медальт жүдоч Ронда Роузи, “Афин-2004” олимпийн дэд аварга, чөлөөт бөхийн Сара Макманнтай өрсөлдөх бүсгүйчүүдийн оргил тулааны өмнө чөлөөт бөх, жюижицүгээс гаралтай шилдэг тулаанчид мөн халз тэмцэлдэнэ.

Энэхүү ширүүн тэмцэлдээнийг SPS, С1 телевиз эх орон даяар шууд дамжуулан үзүүлэх бөгөөд Монголын урдаа барих шилдэг тулаанчид нэг дор цуглан үзэх ажээ. Файтингийн спортоор анхдагчдын тоонд багтах улсын харцага Г.Ганхуяг, тулаанч Ж.Нарантунгалаг, Б.Дамланпүрэв, мэргэжлийн боксын дэлхийн аварга Ч.Цэвээнпүрэв, улсын харцага Х.Мөнхбаатар болон бусад тамирчид хүрэлцэн ирэх гэнэ. Мөн Сар шинээр шөргөөцөлдөөд авсан улсын гарьд Б.Гончигдамба, улсын харцага Ц.Содномдорж нарыг ч урьжээ.

Тэдний цуглах газар нь 19-р хорооллын Үйлчилгээний төвд байрлах "Centro pub" юм байна. Хоёрдугаар сарын 23-ны 11:00 цагаас уулзъя.