“Ансар Баит Аль-Макдис” гэх исламын цэрэгжсэн бүлэглэл Египетэд амарч байгаа жуулчдыг хоёрдугаар сарын 20-ны дотор нутаг буцахыг шаарджээ. Шаардлагыг хүлээж авахгүй бол хүчтэй тэмцэх болно хэмээн тэд мөн анхааруулсан байна.  Алан хядагчдын албан ёсны твиттерт уг мэдэгдэл тавигдсан байна.

“Ансар Баит Аль-Макдис” бүлэглэл нь хамгийн идэвхтэй террористуудаас бүрддэг ба тэд фельдмаршал Абдель Фаттахаль-Сисийн байгуулсан Засгийн газрыг унагах зорилго агуулдаг бүлэглэл юм. Өнгөрсөн долоо хоногт жуулчдын автобус дэлбэрсэн хэргийн хариуцлагыг уг бүлэглэл үүрч магадгүй байгаа. Өдгөө Египетэд амарч байгаа Оросын 35 мянган жуулчин “Ансар Баит Аль-Макдис”-ын мэдэгдлийг хүлээн зөвшөөрч, газар нутгаас нь мэдэгдсэн хугацаанд гарах нь тодорхойгүй байна.