Өнгөрсөн бямба гаригт монголд анх удаа зохион байгуулсан “Auto tuning Ulaanbaatar-2010” шоу  олон сонин содон зүйлсээр дүүрэн байлаа. Шоу эхлэхээс авхуулаад хүн бүрийн сонирхлыг маш ихээр татсан зүйл бол урд цонхон дээрээ 250 ам.доллар гэсэн бичиг бүхий 2000 онд үйлдвэрлэсэн задгай дээвэртэй,  тас хар өнгийн “BMW” маркийн  машин байлаа. Бүгд л өөр хоорондоо “Энэ үнэ нь юм уу? Ямар учиртай машин бэ?” гээд л хүссэн болгон сууж зургаа даруулах ч тэр сайхан төмөр хүлэг  харин ч эзэнгүй мэт чөлөөтэй байсан гэхэд гайхмаар. Шоуны сюрприз дэлгэгдэн тус машины дуудлага худалдаа 250 доллараас эхлэн 4000 хүрээд хэсэг зогссон ч  ахин огцом мянга мянгаар өссөөр 7000 ам.доллараар HАзжаргал гэгч залуугийнх болов.

Г.Даша