3D буюу гурван хэмжээст дүрслэлийн технологи хүчээ авч буй энэ үед Хятадын компьютер үйлдвэрлэгч Lenovo корпораци IdeaPad Y560d мультимедиа чиглэлийн 3D лэптоп гаргажээ. Энэхүү лэптопын онцлог нь Lenovo-гийн “TriDef 3D” хэмээн нэрлэсэн технологийг нэвтрүүлсэн, тодруулбал 3D графикийг харуулах дэлгэц болон программ хангамжтай ажээ. Программ хангамжийн тухайд TriDef Movie Player-тэй бөгөөд энэ нь энгийн видеог 3D болгон хөрвүүлэхээс гадна TriDef Photo Transformer нь стандарт зургийг мөн гурван хэмжээст болгон хувиргах гэнэ.

Үзүүлэлтийн тухайд Lenovo IdeaPad Y560d нь Intel Core i3-330M процессортой, Intel HD график карттай, 250GB HDD болон DVD бичигчтэй гэнэ. Зургаан баттерейтай, 2,7 кг жинтэй уг лэптоп 1199 ам.долларын үнээр энэ сарын сүүлээр худалдаалагдаж эхлэх юм байна.

С.Цэлмэг