Цахим ертөнцөд мэдээллийг хамгийн шуурхай дамжуулдаг, түгээдэг сүлжээ
бол жиргээчид. Тэд өдөр бүр олон янзын зүйлийг онцолж, жиргэж, хэлэлцдэг
уламжлалтай. Өчигдөр /II.8-нд/ тэд юуг онцлов.

Жиргээчид өчигдөр Сар шинийн баярын өмнө эгчтэйгээ төөрч, осгосон охинд туслах аяныг эхлүүлээд байгаа МУГЖ С.Жавхланд туслах болсноо дуулгав. Учир нь Сар шинийн баярын өмнө гэртээ харгалзах хүнгүй үлдсэн эгч, дүү хоёр гэрээсээ гарч төөрснөөр эгч нь амиа алдаж, дүүгийнх нь биеийн байдал маш хүнд байгаа. Жиргээчид өмнө нь энэ охинд туслах талаар ярилцаж байсан юм. Харин МУГЖ С.Жавхлан бяцхан охинд туслах аяныг эхлүүлсэн бөгөөд өөрийн төрсөн өдрөөрөө тоглолт хийж, тоглолтоос олсон ашгаа биеийн байдал нь хүнд байгаа Увс аймгийн охинд туслахаар болжээ. Энэ санаачлагыг жиргээчид ч дэмжиж байгаагаа илэрхийлсэн байна. -Хуучин хүү ‏@Sodgerel_U  ”Жавхлан тоглолтынхоо орлогыг шуурганд төөрсөн бяцхан хоёр охины бага охиных нь эмчилгээнд зориулах юм байна. Хүндлэл” гэж жиргэснийг хамгийн олон хүн бусдад түгээж, шэйрлэсэн жиргээ болсон юм. С.Жавхлангийн төрсөн өдөр энэ сарын 21-нд болох бөгөөд жиргээчид олноороо тоглолт үзэж, хандив өргөнө гэсэн юм.

Хуучин хүү @Sodgerel_U. “Бидний тэнэг, юмтай гэж боддог Жавхлангаас өөр ингэж туслаж байгаа хүн байна уу? Хаана байна тэр улс төрчид, баячууд, олны танил хүмүүс” гэх жиргээ бас хамгийн олон хүнд таалагдсан жиргээ байсан юм.

Мөн энэ өдрийн онцлох жиргээ бол Ерөнхий сайд Н.Алтанхуягийн жиргээ байлаа. Тэрээр багш мэргэжилтэй ч улстөрийн амьдралд хүч үзэх болсноос хойш бараг л  анх удаа физикийн хичээл заасан. Ерөнхий боловсролын сургуулиуд физик, химийн хичээлээ орчин үеийн лаборторитой болж байгаа бөгөөд анхны шинэ лабораторитой болсон хичээлийг Ерөнхий сайд заасан юм. Тэрээр энэ талаараа Норовын АЛТАНХУЯГ @altankhuyag_mn “Дэлхийн жишигт нийцсэн лабораторийн тоног төхөөрөмж дээр Физик Химийн хичээлийн дадлагын ажил хийх боломжтой боллоо” гэжээ. Энэ талаар жиргээчид,

-Мөнхсүх.Б ‏@munhsuhsuhee . ЕС өөрөө физикийн багш биз
-Пүрэв-Очир.Ш ‏@PurevOchirSh  .Сайн зүйл хийсэн баярлалаа.
-Chimeddorj ‏@chimeddorjm . Үргэлжлүүлээд бүх сургуулиа ийм болгоорой
-Bilguun B. ‏@bilguun_sirius . uur heregtei yum hiigechdee saidaa
-Bat-Otgon Bat-Ochir ‏@bat_otgon_b . Уг нь ийм төхөөрөмжүүдийг Монголдоо үйлдвэрлэх боломж бидэнд байна. ЗГ дэмжидэггүй юмаа гэхэд шахааны бизнесийг хориод өгвөл
-Munkhtsogt ‏@munkhtsogt. Хэлээд нэмэр бна уу? Тэрний оронд концептоо гаргаад танилцуулвал дэмжиж магад
-Batsaikhan B ‏@BatsaikhanBSU . Монгол хэл уран зохиолыг устгах тухай ярьж байгаа сайд Гантөмөр газрын дарга авгай нарыг хэзээ халах вэ

Улстөрийн амьдрал “унтаа” байдалд орсон болоод ч тэр үү жиргээ ч мөн нам гүм байсан юм. Гэхдээ тэд Увс аймгийн бяцхан охинд туслах аяныг дэмжиж, багш Ерөнхий сайдын талаар жиргэлээ. Жиргээчид охинд тусалж байгаа С.Жавхлан, хичээл заагаад явж байгаа Н.Алтанхуяг нарыг хооронд нь харьцуулж, хэн нь илүү вэ гэдгийг ч шүүмжлээд байсан юм. Дуучин С.Жавхланг охинд тусалж байгаа нь Ерөнхий сайдаас ч гараагүй санаа гэх жиргээчид байсан юм. Жиргээчид харин тэд өнөөдөр юуг онцлох бол.