“Вистом” агентлагаас “Монголын сайхан ээж” нэртэй хөрөг ном бүтээснээ өнөөдөр олон нийтэд танилцуулж, түүнд мөнхөрсөн ээжүүдэд энэхүү бүтээлийг бэлэглэв. “Монголын сайхан ээж” нэртэй энэхүү бүтээлд 200 гаруй ээжийн хөргийг багтаажээ. Уг бүтээлийн нэг онцлог нь хүүхдүүд нь ээжийнхээ тухай бичиж, түүнийг нь эмхэтгэн уншигчдын хүртээл болгодгоороо өвөрмөц юм. “Вистом” агентлагийнхан ирэх жилүүдэд “Монголын сайхан ээж” нэртэй энэхүү хөрөг номыг жил бүрийн олон улсын эмэгтэйчүүдийн эрхийг хамгаалах энэ өдөр уншигчдын хүртээл болгон, уламжлал болгохоор болсон байна.
Г.Дарь