Олон нийтийн оролцоо хандив тусламжаар хүүхдийн орчин үеийн иж бүрэн клиник  эмнэлэг байгуулах хүмүүнлэгийн аян эхлүүлэхээр болжээ. “Надад мөрөөдөл бий“ нэртэй аянд Монголын залуучуудын холбоо, Монголын сурагчдын холбоо, Монголын скаутын холбоо зэрэг хүүхэд залуучуудын байгууллагууд нэгдэж, хувь нэмэр оруулахаа илэрхийлээд байгаа гэнэ.

Хүн амын тоо, агаарын бохирдлын түвшин нэмэгдсэн энэ үед хүүхдэд зориулсан төрөлжсөн эмнэлэг нэг ч байхгүй байна. Эмч, эмнэлгийн орны хангалтгүй байдлын улмаас эмнэлгийн коридорт эрүүл ахуйн шаардлага хангахгүй нөхцөлд үйлчлүүлж, зарим нь эмчлүүлж ч чадахгүй байгааг хурлын үеэр онцоллоо.  

Хүүхдийн клиник байгуулах аян олон нийт, байгууллага, иргэдийн оролцоотойгоор хэрэгжих бөгөөд дэмжихийг уриаллаа.